சிவகாசி: வழிப்பறியில் ஈடுபட்ட வாலிபர் கைது....

சிவகாசி அருகே வழிப்பறியில் ஈடுபட்ட வாலிபர் கைது.
விருதுநகர் மாவட்டம்,
சிவகாசி அருகே திருத்தங்கல் செங்கமலப்பட்டி ரோட்டில் வசித்து வரும் ராஜேந்திரன் மகன் அருண்குமார் ( 21) என்பவர் தனது வீட்டின் அருகில் வந்து கொண்டிருந்த போது அங்கு வந்த பள்ளபட்டி நடுத்தெருவை சேர்ந்த மாரிசெல்வம் (30), வெள்ளையன் ஆகியோர் வாலிபர் அருண்குமாரிடம் கத்தியை காட்டி மிரட்டி பணம் பறிக்க முயன்றுள்ளனர். இது குறித்து அருண்குமார் சிவகாசி கிழக்கு காவல் நிலையத்தில் புகார் கொடுத்தார். அந்த புகாரின் பேரில் போலீசார் வழக்கு பதிவு செய்து விசாரணை நடத்தி மாரிசெல்வம் என்பவரை கைது செய்தனர். மேலும் கூட்டாளி வெள்ளையனை போலீஸார் தேடி வருகின்றனர்.