சிவகாசி: கஞ்சா விற்பனை செய்த சிறுவன் உள்பட இருவர் கைது....

சிவகாசி அருகே கஞ்சா விற்ற சிறுவன் உள்பட 2 பேர் கைது. 400 கிராம் கஞ்சா பறிமுதல்.
விருதுநகர் மாவட்டம், சிவகாசியில் மணிநகர் ஜங்சன் பகுதியில் போலீசார் ரோந்து பணியில் ஈடுபட்டிருந்த போது அங்கு சிவகாமிபுரம் காலனியை சேர்ந்த முகேஷ் கண்ணன் (19) என்ற இளைஞரை பிடித்து விசாரித்த போது அவர் கஞ்சா விற்பனை செய்தது தெரிய வந்தது. அதனை தொடர்ந்து அவரை கைது செய்த போலீசார் அவரிடம் இருந்து 200 கிராம் கஞ்சாவை பறிமுதல் செய்தனர். இதே போன்று வெம்பக்கோட்டை ரோட்டில் டவுன் போலீசார் ரோந்து பணியில் ஈடுபட்டு கொண்டிருந்தனர். அப்போது அங்கு நின்று கொண்டிருந்த சிறுவனை பிடித்து விசாரித்த போது அந்த சிறுவனிடம் 200 கிராம் கஞ்சா இருந்தது கண்டுபிடிக்கப் பட்டது. அதனை தொடர்ந்து கஞ்சாவை பறிமுதல் செய்த போலீசார் சிறுவனை கைது செய்தனர்.