சிவகாசி: மின் கம்பத்தால் வாகன ஓட்டிகள் அச்சம்...

சிவகாசி அருகே சாய்ந்த நிலையில் உள்ள மின்கம்பம்.
வாகன ஓட்டிகள் அச்சம். நடவடிக்கை எடுக்குமா? மின் வாரியம்.
விருதுநகர் மாவட்டம்,
சிவகாசி அருகே சாய்ந்த நிலையில் உள்ள மின்கம்பத்தை சீரமைக்க வேண்டும் என்று வாகன ஓட்டிகள் கோரிக்கை விடுத்துள்ளனா். சிவகாசி மாநகராட்சியில் ஜக்கம்மாள் கோயில் பின்புறம் கவிதா நகர் உள்ளது. இந்த சாலை வழியாக தினமும் நூற்றுக்கணக்கான டூவீலர்கள் கனரக வாகனங்கள் நகருக்குள் வந்து செல்கின்றன. மேலும் இந்த சாலை எப்போது் பரபரப்பாகவே இருக்கும், இந்த சாலையில் உள்ள ஒரு மின் கம்பம் கடந்த பல மாதங்களாக சாய்வாக ஆபத்தான நிலையில் உள்ளது. மேலும் இந்த மின்கம்பம் எந்த நேரத்திலும் சாய்ந்து விழும் அபாய நிலையில் உள்ளது. சாய்ந்த மின் கம்பத்தை சீரமைக்க கோரி அந்த பகுதி மக்கள் பலமுறை மின்வாரியம் மற்றும் ஊராட்சி ஒன்றியம், மாநகராட்சியிலும் புகார் செய்தும் இதுவரை எந்த ஒரு நடவடிக்கை எடுக்கவில்லை. இதனால் கவிதா நகர் செல்லும் வாகன ஓட்டிகள் அச்சத்துடன் கடந்து செல்கின்றனர். எனவே கவிதா நகா் செல்லும் சாலையில் சாய்ந்த நிலையில் உள்ள மின் கம்பத்தை உடனடியாக சீரமைக்க வேண்டும் என அப்பகுதி மக்கள் கோரிக்கை விடுத்துள்ளனர்.