சிவகாசி: கண்காட்சியை ஆய்வு செய்த மாவட்ட ஆட்சியர்..

சிவகாசி தனியார் கல்லூரியில் மகளிர் சுய உதவிக் குழுக்களின் உற்பத்தி பொருட்கள் கண்காட்சி மற்றும் விற்பனையினை மாவட்ட ஆட்சித்தலைவர் நேரில் ஆய்வு.
விருதுநகர் மாவட்டம்,
சிவகாசி தி ஸ்டாண்டர்டு பயர்ஒர்க்ஸ் இராஜரத்தினம் மகளிர் (தன்னாட்சி) கல்லூரியில், தமிழ்நாடு மாநில ஊரக/நகர்ப்புற வாழ்வாதார இயக்கம் மூலம் மகளிர் சுய உதவிக் குழுக்களின் உற்பத்திப் பொருட்களை கல்லூரி மாணவியரிடம் சந்தைப்படுத்தும் நோக்குடன் நடைபெற்று வரும் கல்லூரிச் சந்தையை மாவட்ட ஆட்சித்தலைவர் வீ. ப. ஜெயசீலன் நேரில் சென்று பார்வையிட்டார்.
இக்கண்காட்சியில் விருதுநகர் மாவட்ட ஊராட்சி, மாநகராட்சி, நகராட்சி மற்றும் பேரூராட்சி பகுதிகளில் உள்ள மகளிர் சுய உதவிக்குழுக்கள் மற்றும் மதுரை, திண்டுக்கல், இராமநாதபுரம், திருநெல்வேலி மற்றும் தூத்துக்குடி ஆகிய மாவட்டங்களில் உள்ள மகளிர் சுய உதவிக்குழுக்கள் தங்கள் உற்பத்தி பொருட்களான காட்டன் சேலைகள், சுடிதார் டாப்ஸ், சணல் நார் பொருட்கள், மர பொம்மைகள், செயற்கை ஆபரணங்கள், வீட்டு உபயோகம், பேன்ஸி, மசாலா பொருட்கள் மற்றம் திண்பண்டங்கள் உள்ளிட்ட உற்பத்திப் பொருட்களின் கண்காட்சி மற்றும் விற்பனை நடைப்பெற்ற இந்நிகழ்ச்சியில்திட்ட இயக்குநர், கல்லூரி நிர்வாகிகள், துணைமுதல்வர் பேராசிரியர்கள், திட்ட அலுவலர்கள், மகளிர் சுய உதவிக்குழு உறுப்பினர்கள் மற்றும் கல்லூரி மாணவியர், அரசு அலுவலர்கள் ஆகியோர் கலந்து கொண்டனர்.