சிவகாசி: நேர்மைக்கு கிடைத்த பாராட்டு...

சிவகாசியில் கீழே கிடந்த ரூ. 15 ஆயிரத்தை உரியவரிடம் ஒப்படைத்த டிராபிக் போலீஸ்.
விருதுநகர் மாவட்டம்,
சிவகாசி வேலாயுதரஸ்தா சாலை சந்திப்பு பகுதியில் டூவீலரில் சென்ற ஒருவரின் பணம் கீழே விழந்து சிதறிக் கிடந்துள்ளது. இதனைக்கண்ட அந்த வழியாக சென்ற சிலர் பணத்தை முண்டியடித்தக் கொண்டு எடுத்து சென்று உள்ளனர். இதனை கவனித்த அங்கு பாதுகாப்பு பணியில் நின்று கொண்டிருந்த டிராபிக் போலீஸ்அனந்தவனபேச்சிமுத்து பணத்தை எடுத்துக் கொண்டிருந்தவர்களிடமும் கீழே கிடந்த பணத்தையும் எடுத்து டவுன் போலீஸ் ஸ்டேசனில் ரூ. 15 ஆயிரம் ஒப்படைத்தார். இது குறித்து சமூக வலைதளங்களில் தகவல் பரவியது. இதனை கண்டு பணத்தை பறிகொடுத்த வீரசெல்லையாபுரத்தை சேர்ந்த அருண்குமார் என்ற வாலிபர் பணத்திற்கான அடையாளத்தை கூறி டிராபிக் போலீஸ் அனந்தவன பேச்சிமுத்துவிடம் பணத்தை பெற்றுக்கொண்டார். பணத்தை பத்திரமாக ஒப்படைத்த டிராபிக் போலீஸ் அனந்தவன பேச்சிமுத்துவின் புகைபடத்தை ஏராளமானோர் தங்களது சமூக வலை தளங்களில் பகிர்ந்து பாராட்டி வருகின்றனர். போலீசார் கூறும் போது, வாலிபர் அருண்குமார் தொழில்பேட்டையில் உள்ள ஏடிஎம்மில் பணம் எடுத்துக்கொண்டு டூவீலரில் சிவகாசி வரும் போது வேலாயுதரஸ்தா சாலையில் ரூ. 28ஆயிரம் விழந்து சிதறி கிடந்துள்ளது. சிலர் பணத்தை எடுத்து சென்றுவிட்டனர். போலீஸ் பாத்ததால் ரூ. 15ஆயிரம் மீட்கப்பட்டு அருண்குமாரிடம் ஒப்படைக்கப்பட்டது என்றனர்.