திருவெண்ணெய்நல்லுார் அருகே மழை வேண்டி வருண பூஜை

திருவெண்ணெய்நல்லுார் அருகே மழை வேண்டி, ஜீவநதி மலட்டாறு நிலத்தடி நீர் மேம்பாட்டு எழுச்சிக்கூடல் சார்பில் வருண பூஜை இன்று(அக்.14) நடந்தது. அமைப்பு தலைவர் தட்சணாமூர்த்தி தலைமை தாங்கினார். பூஜையையொட்டி, ஆற்றில் கலசம் வைத்து கணபதி ஹோமம், லட்சுமி ஹோமம் மற்றும் வருண ஹோமம், நடத்தி ஹோமத்தில் பூஜிக்கப்பட்ட கலச நீரை மலட்டாற்றில் ஊற்றி வருண பகவானை வழிபட்டனர். பூஜையில் அரசூர், இருவேல்பட்டு, ஆனத்துார், சேமங்கலம் உள்ளிட்ட பல்வேறு கிராமங்களைச் சேர்ந்த மக்கள் பங்கேற்றனர்.