கபடி போட்டியில் வெற்றி பெற்ற மாணவர்களுக்கு பாராட்டு விழா

வேலூர் கிருஷ்ணசாமி முதலியார் சீனியர் செகண்டரி பள்ளியில், சி. பி. எஸ். இ. , கிளஸ்டர் சார்பில், தமிழ்நாடு, புதுச்சேரி, அந்தமான் நிக்கோபார் மாநிலங்களில் உள்ள சி. பி. எஸ். இ. , பள்ளிகளுக்கு இடையேயான கபடி போட்டி நேற்று(செப்.18) நடந்தது. இதில் திருக்கோவிலூர் வித்யா மந்திர் பள்ளியைச் சேர்ந்த மாணவ, மாணவிகள் கலந்து கொண்டு இரண்டாம் இடத்தை பெற்று கோப்பையை பெற்றனர்.

இவர்களுக்கு பள்ளியின் சார்பில் பாராட்டு விழா நடத்தப்பட்டது. ரோட்டரி மாவட்ட முன்னாள் ஆளுநர் ஜவுரிலால் தலைமை தாங்கினார். தாளாளர்கள் சுனில் குமார், சிவக்குமார், முதல்வர் சுஜாதா, சி. பி. எஸ். இ. , அப்சர்வர் ஜவகர் நிர்வாக அலுவலர் ராஜேஷ் குமார் ஆகியோர் கலந்துகொண்டு போட்டிகளில் வெற்றி பெற்ற மாணவ, மாணவிகள் மற்றும் உடற்கல்வி ஆசிரியர் அகில நாயகன், கோகிலவாணி, ஜெயலட்சுமி ஆகியோரை பாராட்டினர்.