திமிரி அருகே இலவச கண் சிகிச்சை முகாம்
திமிரியை அடுத்த மழையூர் அரசினர் உயர்நிலைப் பள்ளியில் மழையூர் ஊராட்சி மன்றத்தின் சார்பில் இலவச கண் சிகிச்சை முகாம் ஊராட்சி மன்ற தலைவர் ராணி ராமமூர்த்தி தலைமையில் நடைபெற்றது. துணைத்தலைவர் ராகவன் முன்னிலை வகித்தார். முகாமில் மழையூர் கிராமத்தில் இருந்து ஏராளமான பொதுமக்கள் கலந்துகொண்டு இலவசமாக கண் பரிசோதனை செய்துகொண்டனர். முகாமில் மருத்துவ குழுவினர்கள் கலந்துகொண்டு பொதுமக்களுக்கு பார்வை குறைபாடு மற்றும் கிட்டப் பார்வை, தூரப்பார்வை, கண்ணில் புரை வளருதல் போன்றவற்றை மருத்துவர்கள் கண்டறிந்து பார்வை குறைபாடு உள்ளவர்களுக்கு கண்ணாடி வழங்கினர்.
