காங்கேயத்தில் அரசு பஸ் மோதி முதியவர் பலி

காங்கேயம் பொத்தியபாளையம் ஊராட்சி பெரியஇல்லியம் புதூர் பகுதியை சேர்ந்தவர் சேமலையப்பன் (வயது 75). விவசாயம் செய்து வந்தார். இவர் பைக்கில் திருப்பூர்-காங்கேயம் சாலை பொதுப்பணித் துறை அலுவலகம் எதிரே உள்ள சாலை தடுப்பு இடைவெளியில் திரும்பியுள்ளார். அப்போது அதே திசையில் மேட்டுப்பாளையத்தில் இருந்து திருச்சி நோக்கி அரசு பஸ் சேமலையப்பன் ஓட்டிச்சென்ற பைக் மீது மோதியதோடு, சாலை தடுப்பில் ஏறி நின்றது. இந்த விபத்தில் படுகாயமடைந்த சேமலையப்பனை அருகில் இருந்தவர்கள் மீட்டு காங்கேயம் அரசு மருத்துவமனைக்கு கொண்டு சென்றனர். அங்கு அவருக்கு முதலுதவி சிகிச்சை அளித்து மேல்சிகிச்சைக்காக திருப்பூர் அரசு மருத்துவமனைக்கு அனுப்பி வைத்தனர். அங்கு பரிசோதித்த மருத்துவர் சேமலையப்பன் ஏற்கனவே இறந்து விட்டதாக தெரிவித்துள்ளனர். இது குறித்து காங்கேயம் போலீசார் வழக்கு பதிவு செய்து விசாரணை நடத்தி வருகின்றனர்.