திருச்சி: தொழிலாளியை மிரட்டி பணம் பறித்த 2 பேர் கைது

திருச்சி மாவட்டம் லால்குடி மேலவாளாடி பெரியார் தெரு பகுதியைச் சேர்ந்தவர் அலெக்சாண்டர் தகர செட் அமைக்கும் தொழிலாளி. இவர் நேற்று முன்தினம்(நவம்பர் 11) ஸ்ரீரங்கம் முருகன் கோவில் வடக்கு வாசல் அருகே நின்றார். அப்போது அங்கு வந்த இரண்டு வாலிபர்கள் கத்தியை காட்டி மிரட்டி, அலெக்சாண்டர் சட்டை பாக்கெட்டில் இருந்த 2000 ரூபாய் பணத்தை பறித்துச் சென்றனர். இது குறித்து ஸ்ரீரங்கம் போலீசார் வழக்குப் பதிந்து, திருவானைக்காவல் பாரதி தெருவைச் சேர்ந்த ரங்கநாதன், மேலகொண்டயம்பேட்டை வடக்கு தெருவைச் சேர்ந்த சச்சின் ஆகியோரை கைது செய்தனர்.