மாதா தேரில் உயரழுத்த மின் கம்பி சிக்கிக் கொண்டது.

திருவள்ளூர் மாவட்டம், திருத்தணி சித்தூர் சாலையில் அமைந்துள்ள தணிகை புதுமை மாதா ஆலயத்தில் இன்று மாலை தணிகை புதுமை மாதா தேர் பவனி நடைபெற்றது. தேர் பவனி கடப்பா டிரங்க் ரோடு பகுதியில் சென்றபோது உயரழத்த மின்சார கம்பிகளுக்கு இடையே செல்லும் எர்த்  மின் கம்பி மாதா தேர் உச்சியில் இருந்த சிலுவையில் சிக்கிக் கொண்டது.

இதனால் சாலையில் தேர் நிறுத்தப்பட்டதால் போக்குவரத்து பாதிக்கப்பட்டது. சுமார் அரை மணி நேரம் போக்குவரத்து பாதிக்கபட்ட நிலையில் மின்வாரிய ஊழியர்கள் சம்பவ இடத்திற்கு விரைந்து வந்து தேரில் சிக்கிக் கொண்ட மின் எர்த் கம்பியை சரி செய்ததை தொடர்ந்து தேர் அங்கிருந்து புறப்பட்டு சென்றது. இதனைஅடுத்து அனைத்து வாகனங்களும் சுமார் அரை மணி நேரம் காலதாமதமாக புறப்பட்டு சென்றது.