திருத்தணி முருகன் கோவிலில் நடிகர் யோகி பாபு சாமி தரிசனம்

திருவள்ளூர் மாவட்டம் திருத்தணியில் உள்ள ஆறுபடை வீடுகளில் ஐந்தாம் படை வீடாக திகழும் அருள்மிகு சுப்பிரமணிய சுவாமி திருக்கோயிலில் புரட்டாசி செவ்வாய்க்கிழமையான முருகனுக்கு உகந்த நாளான இன்று (செப் 24) தமிழ் திரைப்பட நகைச்சுவை நடிகர் யோகி பாபு சாமி தரிசனம் செய்ய வருகை தந்தார்.

அவருக்கு திருக்கோயில் சார்பில் மலர் மாலை மற்றும் பிரசாதங்கள் வழங்கப்பட்டது. நடிகர் யோகி பாபு கோவிலுக்கு வருகை தந்ததால் அவரைக் கண்ட ரசிகர்கள் அவருடன் செல்பி எடுப்பதில் ஆர்வம் காட்டி குவிந்தனர். அனைவரிடமும் சிரித்த முகத்தை காட்டி செல்பி எடுக்க அனுமதித்தவாரே வந்தவர் விறு விறுவென சென்று காரில் ஏறி புறப்பட்டார்.

இதனைத் தொடர்ந்து திருத்தணி முருகன் கோயிலுடன் இணைந்த மத்தூர் மகிஷாசுரமர்த்தினி அம்மன் திருக்கோயிலில் விளக்கேற்றி சாமி தரிசனம் செய்தார். யோகி பாபுக்கு கோயில் நிர்வாகம் சார்பில் பிரசாதங்கள் வழங்கப்பட்டது. அங்கும் பக்தர்கள் இவருடன் செல்பி மற்றும் புகைப்படம் எடுத்துக்கொண்டனர்.