கும்மிடிப்பூண்டி: இலங்கை தமிழர்கள் மறுவாழ்வு முகாமில் அடிதடி

கும்மிடிப்பூண்டி பெத்திக்குப்பம் ஊராட்சியில் உள்ள இலங்கை தமிழர்கள் மறுவாழ்வு முகாமில்
சில தினங்களுக்கு முன் முன்விரோதம் காரணமாக
2 வாலிபர்களை அதே பகுதியைச் சேர்ந்த 2 பேர் பட்டா கத்தி மற்றும் கடப்பாரையால் காட்டுமிராண்டித்தனமாக தாக்கும் வீடியோ சமூக வலைத்தளங்களில் தற்போது படுவயிறலாக பரவி வருகிறது.

இதில் பால்ராஜ் (29) பத்மநாபன் (28) ஆக இருவர் தாக்குதலுக்கு உள்ளான நிலையில் இவர்களுக்கு பத்திற்கும் மேற்பட்ட இடங்களில் வெட்டு காயங்களும் கால் முறிவும் ஏற்பட்ட நிலையில்


பலத்த காயம் அடைந்து சுயநினைவற்ற இருவரையும் மீட்ட உறவினர்கள் சென்னை ஸ்டான்லி மருத்துவமனை அவசர பிரிவில் சிகிச்சைக்காக அனுமதித்துள்ளனர்.

இதுதொடர்பாக சிப்காட் போலீசார் வழக்கு பதிவு செய்து தாக்குதல் நடத்திய இருவரை தேடி வரும் நிலையில் இலங்கை தமிழர்கள் மறுவாழ்வு முகாமில் நடைபெறும் இது போன்ற பல குற்ற சம்பவங்கள் க்யூப் பிரான்ச் போலீசாரின் சுயலாபத்திற்காக மறைக்கப்பட்டதாகவும் முகாம் மக்கள் குற்றம் சாட்டுகின்றனர்.