மதுரை: சிறுமியை கட்டாயப் படுத்தி திருமணம் செய்த நபர்
மதுரை மாவட்டம் அலங்காநல்லூர் வாடிவாசல் அருகே 17 வயது சிறுமியை கட்டாயப் படுத்தி, அவருக்குத் திருமணம் செய்து வைத்ததாக குழந்தைகள் உதவி மையத்துக்கு தகவல் கிடைத்தது. இது குறித்து குழந்தைகள் உதவி மையத்தினர், அலங்காநல்லூர் சமூக நலத் துறை அலுவலர் மீனாட்சிக்கு தகவல் தெரிவித்தனர். அவர் அந்தப் பகுதிக் குச் சென்று விசாரணை நடத்தியதில் மதுரை மாவட்டம், உசிலம்பட்டியைச் சேர்ந்த 17 வயது சிறுமிக்கும், அலங்காநல்லூர் சந்தை மேடு பகுதியைச் சேர்ந்த கதிர்வேலுக் கும் (21) திருமணம் நடைபெற்றது தெரிந்தது. இதையடுத்து, சமூக நல அலுவலர் மீனாட்சி அளித்த புகாரின் பேரில், அலங்காநல்லூர் போலீஸார், சிறார் திருமண தடுப்புச் சட்டத்தின் கீழ் வழக்குப் பதிந்து, கதிர்வேலை கைது செய்தனர்.
