தேனி மாவட்டம் கம்பம் பகுதியைச் சேர்ந்த ராஜா (29) குவைத் நாட்டில் வேலை பார்த்து விட்டு ஒரு மாத விடுமுறைக்காக சொந்த ஊருக்கு வந்த நிலையில், உள்ளூரிலேயே தொழில் செய்யப் போவதாக தாயாரிடம் கூறியுள்ளார். அதற்கு அவரது தாயார் இன்னும் 2 ஆண்டுகள் மட்டும் வெளிநாட்டில் வேலை செய்துவிட்டு வந்து உள்ளூரில் தொழில் செய்யுமாறு தெரிவித்ததால், ராஜாவிற்கும் அவரது தாயாருக்கும் இடையே தகராறு ஏற்பட்டுள்ளது. இதையடுத்து, ராஜா விஷம் அருந்தி தற்கொலை செய்துள்ளார்.