தங்கத்தின் விலை கடந்த சில நாட்களாக குறைந்து வந்த நிலையில் இன்று ஏற்றம் கண்டுள்ளது. சென்னையில் இன்று (ஜூன் 15) 22 கேரட் ஆபரணத் தங்கத்தின் விலை சவரனுக்கு 440 ரூபாய் உயர்ந்து ரூ.53,640-க்கும், கிராமுக்கு 55 ரூபாய் உயர்ந்து ரூ.6,705-க்கும் விற்பனை செய்யப்படுகிறது. மேலும், வெள்ளியின் விலை கிராமுக்கு 60 காசுகள் உயர்ந்து ரூ.95.60-க்கும், ஒரு கிலோ வெள்ளி ரூ.95,600-க்கும் விற்பனை செய்யப்படுகிறது. தங்கத்தின் விலை மீண்டும் ரூ.54,000 ரூபாயை நெருங்கி வருவதால் நகைப்பிரியர்கள் கவலையடைந்துள்ளனர்.