கோழிக்கறி விலை கிடுகிடுவென உயர்வு

ஹைதராபாத்தில் கடந்த வாரம் ஒரு கிலோ தோல் இல்லாத கோழியின் விலை ரூ. 250 முதல் 280 வரை விற்பனை செய்யப்பட்டு சமீபத்தில் ரூ. 300ஐ எட்டியது. தோலுடன் ரூ.260 வரை விற்பனை செய்யப்படுகிறது. மேலும் எலும்பில்லாத கோழி இறைச்சி கிலோ ரூ.500க்கும் அதிகமாக விற்பனையாகி வருகிறது. சில இடங்களில் வியாபாரிகளே சராசரி விலையை நிர்ணயம் செய்வதாக குற்றச்சாட்டு எழுந்துள்ளது. சுட்டெரிக்கும் வெயிலால் கோழிகளின் உற்பத்தி குறைந்துள்ளதால் இன்னும் இரண்டு மாதங்களுக்கு இந்த விலையே இருக்கும் என வியாபாரிகள் கூறுகின்றனர்.