பழம்பெரும் நடிகர் சிவராம் காலமானார்

முன்னாள் ஐஏஎஸ் அதிகாரியும் பிரபல நடிகருமான கே.சிவராம் பெங்களூரில் உள்ள ஹெச்சிஜி மருத்துவமனையில் மாரடைப்பால் காலமானார். கன்னடத் திரையுலகில் பிரபலமாக வலம்வந்த சிவராம், சிவில் சர்வீசஸ் மற்றும் திரைப்படத்துறை ஆகிய இரண்டிலும் சிறந்து விளங்கினார். அவரது மறைவுக்கு திரையுலக பிரபலங்கள் பலரும் இரங்கல் தெரிவித்து வருகின்றனர். சினிமாவுக்கு அவர் செய்த பங்களிப்புகளைத் தவிர, அவர் 2013 இல் ஓய்வு பெற்ற பிறகு அரசியலிலும் ஈடுபட்டு வந்தார். ஆரம்பத்தில் காங்கிரஸ் கட்சியுடன் தன்னை இணைத்துக் கொண்டார். 2014-ல் விஜயபுரா தொகுதியில் மக்களவைக்கு போட்டியிட்ட அவர் தோல்வியை சந்தித்தார். இதையடுத்து, அவர் பாஜகவில் இணைந்து செயல்பட்டு வந்தார்.