பேராவூரணியில் அண்ணா பிறந்த நாள் விழா

பேராவூரணியில், பேரறிஞர் அண்ணா பிறந்த நாளை முன்னிட்டு, திமுக சார்பில் சேதுசாலையில் உள்ள அண்ணா சிலைக்கு பேராவூரணி சட்டப்பேரவை உறுப்பினர் நா. அசோக்குமார் தலைமையில் மாலை அணிவித்து மரியாதை செலுத்தப்பட்டது.
இதில், தஞ்சை தெற்கு மாவட்ட அவைத் தலைவர் சுப. சேகர், திமுக ஒன்றியச் செயலாளர்கள் மு. கி. முத்துமாணிக்கம், க. அன்பழகன், வை. ரவிச்சந்திரன், கோ. இளங்கோவன், நகரச் செயலாளர் என். எஸ். சேகர், முன்னாள் மாவட்ட துணைச் செயலாளர் என். செல்வராஜ், தலைமை பொதுக்குழு உறுப்பினர் அ. அப்துல் மஜீத், மாவட்ட அயலக அணி அமைப்பாளர் ஷாஜகான், பேரூராட்சி உறுப்பினர்கள், கட்சி நிர்வாகிகள் கலந்து கொண்டனர்.

அதிமுக
அதிமுக சார்பில் ஒன்றியச் செயலர் கோவி. இளங்கோ தலைமையில், ஒன்றியச் செயலாளர்கள் உ. துரைமாணிக்கம்,
கே. எஸ். அருணாசலம், முன்னாள் கயிறு வாரியத் தலைவர் நீலகண்டன், பேராவூரணி ஒன்றியப் பெருந்தலைவர் சாந்தி சேகர், நகரச் செயலாளர் எம். எஸ். நீலகண்டன், மாவட்ட மாணவரணி ஆர். பி. ராஜேந்திரன், செல்வக்கிளி, வினோத், கூத்தலிங்கம், ராகா செல்வக்குமார் உள்ளிட்டோர் கலந்து கொண்டனர்.

ஓபிஎஸ்
முன்னாள் முதலமைச்சர் ஓ. பன்னீர்செல்வம் ஆதரவாளர்கள் வி. என். பக்கிரிசாமி, மாவட்ட பொருளாளர் களத்தூர் வி. ராஜா, ஒன்றியச் செயலாளர்கள் சாமி. செல்லத்துரை, சிவராம சேதுபதி, வழக்கறிஞர் குழந்தைசாமி, மரமில் பாலசுப்பிரமணியன் உள்ளிட்டோர் கலந்து கொண்டனர்.