சுல்தான் கோப்பை ஹாக்கி: வெண்கலம் வென்ற இந்தியா

சுல்தான் ஜோஹர் கோப்பை ஹாக்கியில் நேற்று (அக்.26) நடந்த 3ஆவது இடத்துக்கான ஆட்டத்தில் இந்திய அணி, நியூசிலாந்தை எதிர்கொண்டது. இந்த ஆட்டம் 2-2 என்ற கோல் கணக்கில் 'டிரா' ஆனது. இதனால் வெற்றி, தோல்வியை நிர்ணயிக்க பெனால்டி ஷூட் அவுட் முறை கடைபிடிக்கப்பட்டது. இதில் இந்தியா 3-2 என்ற கோல் கணக்கில் நியூசிலாந்தை வீழ்த்தி வெண்கலப்பதக்கத்தை கைப்பற்றியது. இறுதிப்போட்டியில் இங்கிலாந்து அணி 3-2 என்ற கோல் கணக்கில் ஆஸ்திரேலியாவை வீழ்த்தி தங்கப்பதக்கத்தை கைப்பற்றியது.