புரோ கபடி: தமிழ்நாடு - பாட்னா அணிகள் இன்று மோதல்

புரோ கபடி 11ஆவது லீக் தொடர் கடந்த அக்டோபர் 18ஆம் தேதி தொடங்கி நடைபெற்று வருகிறது. இதில், 3-வது கட்ட லீக் ஆட்டங்கள் தற்போது புனேவில் நடைபெற்று வருகிறது. இந்த தொடரில் இன்று 2 லீக் ஆட்டங்கள் நடைபெறுகின்றன. அதில் இரவு 8 மணிக்கு தொடங்கும் ஆட்டத்தில் தமிழ் தலைவாஸ் - பாட்னா பைரேட்ஸ் அணிகள் மோத உள்ளன. புள்ளிப்பட்டியலில் பாட்னா பைரேட்ஸ் 5வது இடத்திலும், தமிழ் தலைவாஸ் 10வது இடத்திலும் உள்ளன. தொடர்ந்து, 9 மணிக்கு தொடங்கும் ஆட்டத்தில் புனேரி பால்டன் - பெங்களூரு புல்ஸ் அணிகள் மோதுகின்றன.