வயநாட்டில் பிரியங்கா போட்டியிட வாய்ப்பு அதிகம்!

காங்கிரஸ் பொதுச் செயலாளர் பிரியங்கா காந்தி வயநாட்டில் போட்டியிட முடிவு செய்தால், அவரை அன்புடன் வரவேற்போம் என்று கேரள பிரதேச காங்கிரஸ் கமிட்டியும் (கேபிசிசி) கூறியுள்ளது. வயநாடு அல்லது ரேபரேலி தொகுதியை தக்கவைப்பதா என்ற கேள்விக்கு, விரைவில் முடிவு எடுக்கப்படும் என்று கூறிய ராகுல், இரு தொகுதிகளின் உணர்வுகளையும் கருத்தில் கொள்வதாக உறுதியளித்தார். நடந்து முடிந்த மக்களவை தேர்தலில் இரண்டு தொகுதிகளிலும் வெற்றி பெற்ற ராகுல் காந்தி, விரைவில் ஏதாவது ஒரு தொகுதியில் எம்.பி., பதவியை ராஜினாமா செய்வார். அதன் பிறகு அந்த தொகுதியில் இடைத்தேர்தல் நடைபெறும்.