கேரள எதிர்க்கட்சித் தலைவர் வி.டி.சதீசன் சமீபத்தில் அறிவிக்கப்பட்ட பத்ம விருதுகள் குறித்து விமர்சித்துள்ளார். இதுபற்றி சமூக வலைதளத்தில் பதிவிட்டுள்ள அவர், உண்மையிலேயே திறமையானவர்களை புறக்கணிக்கிறார்கள். இந்த விருதுகள் மிகவும் தகுதியான நபர்களுக்கு வழங்கப்படும் போது அவற்றின் உண்மையான சாராம்சம் அடையப்படுகிறது.
சிரஞ்சீவிக்கு பத்ம விபூஷண், மிதுன் சக்ரவர்த்திக்கு பத்ம பூஷன் விருதுகள் கிடைத்த செய்தியைப் படித்தவுடன், என் எண்ணம் மம்முட்டியை நோக்கி இருந்தது. 1998-ல் பத்மஸ்ரீ விருது பெற்றாலும், இந்தமுறை மம்முட்டி விலக்கப்பட்டது ஏற்றுக்கொள்ள முடியாதது. மதிப்புமிக்க பத்மபூஷன் அல்லது பத்ம விபூஷன் விருதுகளுக்கு இந்திய கலைஞர்களை பரிசீலிக்கும்போது, மம்முட்டிதான் முதல் தேர்வாக இருக்க வேண்டும் என்றும், அந்தத் தேர்வில் எந்த சர்ச்சையும் இருக்கக்கூடாது எனவும் வி.டி.சதீசன் குறிப்பிட்டுள்ளார்.