துபாய் விமானம் தாமதத்தால் பயணிகள் அவதி

துபாயிலிருந்து ஞாயிற்றுக்கிழமை மதுரைக்கு வந்த தனியார் விமானம் இரண்டரை மணி நேரம் தாமதமாக வந்ததால், பயணிகள் கடும் அவதிக்குள்ளாகினர்.

துபாயிலிருந்து மதுரைக்கு தினமும் தனியார் நிறுவனம் விமான சேவையை வழங்கி வருகிறது. இந்த விமானம் தினமும் துபாயிலிருந்து புறப்பட்டு முற்பகல் 11. 10 மணிக்கு மதுரைக்கு வந்தடையும். பின்னர், மதுரையிலிருந்து நண்பகல் 12 மணிக்கு துபைக்கு புறப்பட்டுச் செல்லும்.

இந்த நிலையில், நேற்று முற்பகலில் வரவேண்டிய இந்த விமானம் சுமார் இரண் டரை மணி நேரம் தாமதமாக பிற்பகல் 2 மணிக்கு மதுரை விமான நிலையத்துக்கு வந்தது. பின்னர், இந்த விமானம் பிற்பகல் 3 மணிக்கு துபாய்க்கு புறப்பட்டுச் சென்றது.

சமீபகாலமாக இந்த விமானமானது அடிக்கடி கால தாமதமாக இயக்கப்படுவதால், அதில் செல்லும் பயணிகள் அவ திக்குள்ளாகின்றனர். எனவே, இந்த விமானத்தை உரிய நேரத்தில் இயக்க இந்திய விமான ஆணையம் அறிவுறுத்தி, நிறுவனத்தின் மீது ஒழுங்கு நடவடிக்கை எடுக்க வேண்டும் என பயணிகள் கோரிக்கை விடுத்தனர்.