மேலூர்: புகையிலைக்கு எதிராக உறுதி மொழி எடுத்த மாணவர்கள்

மதுரை மாவட்டம் கொட்டாம்பட்டி அருகே உள்ள தும்பைப்பட்டி அரசு ஆரம்ப சுகாதார நிலையத்திற்கு உட்பட்ட மணப்பட்டியில் உள்ள அரசு உயர்நிலைப்பள்ளியில் இன்று (நவ. 22) புகையிலை இல்லா இளைய சமுதாயம் 2.0 குறித்த விழிப்புணர்வு நிகழ்ச்சி நடைபெற்றது. இதில் தலைமை ஆசிரியர் கேசவபாண்டியன் அவர்கள் தலைமையில் மருத்துவ அலுவலர் மரு. சர்மிளா, வட்டார சுகாதார மேற்பார்வையாளர் ஜாபர், சுகாதார ஆய்வாளர்கள் தெய்வசுந்தரம், மார்ஷல் அன்புராஜ் மற்றும் போதைப்பொருள்கள் ஒழிப்புக்குழு பொறுப்பு ஆசிரியர் அப்துல் வஹாப் ஆகியோர்கள் விழிப்புணர்வு வழங்கினார்கள். இதில் ஆசிரியர்கள், மாணவர்கள் கலந்து கொண்ட பேரணி நடந்தது. இறுதியில் பள்ளி மாணவர்கள், ஆசிரியர்கள் உட்பட அனைவரும் புகையிலை பொருட்களுக்கு எதிராக விழிப்புணர்வு உறுதிமொழி எடுத்துக் கொண்டனர்.