மதுரை: GETOUT ஸ்டாலின் என விளக்கேற்றிய பாஜகவினர்

மதுரையில் நேற்று காலை முதல் பாஜகவினர் தமிழக முதல்வருக்கு எதிர்ப்பு தெரிவிக்கும் வகையில் கெட் அவுட் ஸ்டாலின் என்ற ஹாஷ்டேக் சமூக வளைதளத்தில் பதிவிட்டு வருகின்றனர். அதன் ஒரு பகுதியாக மதுரை பிபிகுளம் பகுதியில் உள்ள மதுரை மாநகர பாஜக அலுவலகத்தில் மாவட்ட தலைவர் மாரி சக்கரவர்த்தி தலைமையில் #GetOutStalin என்ற பதாகைகளை ஏந்தியும், பாஜக அலுவலகத்தின் வாசலில் கோலமிட்டு அதில் விளக்குகளை ஏற்றிய நிலையில் திமுக அரசுக்கு எதிரான முழக்கங்களை எழுப்பினர். இதில் பாஜகவைச் சேர்ந்த 100க்கும் மேற்பட்டோர் கலந்துகொண்டு மும்மொழிக்கொள்கை வேண்டும் எனவும் முழக்கமிட்டனர்.