நாகர்கோவிலில் ஓடும் ரயிலிலிருந்து பயணி தவறி விழுந்து படுகாயம்

கன்னியாகுமரியில் இருந்து நாகர்கோவில் வழியாக சென்னைக்கு கன்னியாகுமரி எக்ஸ்பிரஸ் ரயில் தினமும் இயக்கப்பட்டு வருகிறது. இந்த ரயில் நேற்று(செப்.11) மாலை கன்னியாகுமரியில் இருந்து புறப்பட்டு, 6.10 மணி அளவில் நாகர்கோவில் ரயில் நிலையத்தை வந்தடைந்தது. முதலாவது பிளாட்பாரத்தில் ரயில் மெதுவாக சென்று கொண்டிருந்தபோது, முன் செய்தி பதிவு செய்யப்படாத பெட்டிகளில் பயணிகள் முண்டியடித்துக்  கொண்டு ஏறினார்கள்.

அப்போது சுமார் 50 வயது மதிக்கத்தக்க ஒருவர் ரயில் பெட்டியல் ஏறிய போது கூட்ட நெரிசலில் சிக்கி அவர் நிலை தடுமாறி  பிளாட்பாரத்திற்கும்,   ரயில் பெட்டிக்கும் இடையில் உள்ள இடைவெளி வழியாக ரயில் தண்டவாளத்தில் விழுந்தார். ரயில் அப்போது நின்று விட்டதால் அவர் அதிர்ஷ்டவசமாக லேசான காயங்களுடன் தப்பினார்.

தண்டவாளத்தில் விழுந்தவரை. அங்கிருந்த பயணிகள் மீட்டனர். அவர் தலையில் காயம் ஏற்பட்டிருந்தது. இதை அடுத்து அங்கிருந்த போலீசார் அவரை அழைத்து சென்று முதலுதவி  சிகிச்சை அளித்தனர். தொடர்ந்து அறிவுரைகளை கூறி அனுப்பி வைத்தனர்.