அடையாள அட்டை பெற திருநங்கைகள் விண்ணப்பிக்கலாம்.

குமரி மாவட்ட கலெக்டர் ஸ்ரீதர் வெளியிட்டுள்ள செய்திக்குறிப்பில் கூறியிருப்பதாவது: -
திருநங்கைகள் நலனுக்காக சமூகநலத்துறை சார்பில் பல்வேறு நலத்திட்டங்கள் வழங்கப்பட்டு வருகிறது. இதில் திருநங்கைகள் விவரங்களை பதிவு செய்து புதிய திருநங்கை அடையாள அட்டை, வாக்காளர் அட்டை, முதல்-அமைச்சரின் மருத்துவ காப்பீட்டு திட்ட அட்டை, ஆயுஷ்மான் பாரத் அட்டை மற்றும் ஆதார் அட்டையில் திருத்தம் செய்து வழங்குவதற்கு ஏதுவாக சிறப்பு முகாம் வருகிற 21-ந் தேதியன்று காலை 10 மணி முதல் மதியம் 1 மணி வரை மாவட்ட கலெக்டர் அலுவலகத்தில் நடைபெற உள்ளது. இதுவரை அடையாள அட்டை பெறாத திருநங்கைகள் மற்றும் திருநம்பிகள் முகாம்களில் கலந்து கொண்டு தங்களுடைய ஆதார் அட்டை மற்றும் பாஸ்போட் அளவு புகைப்படம் (1) இவற்றுடன் விண்ணப்பித்து அடையாள அட்டைபெற்று கொள்ளலாம். மேலும் வாக்காளர் அட்டை, முதல்-அமைச்சரின் மருத்துவ காப்பீடு திட்ட அட்டை மற்றும் ஆயுஷ்மான் பாரத் அட்டை பெறாதவர்கள் சிறப்பு முகாம்களில் தங்களுடைய குடும்ப அட்டை மற்றும் ஆதார் அட்டை இவற்றுடன் கலந்து - கொண்டு விண்ணப்பிக்கலாம். இவ்வாறு அதில் கூறப்பட்டுள்ளது.