2-வது இன்னிங்ஸில் இந்தியா சிறப்பான தொடக்கம்

ஆஸ்திரேலியா சென்றுள்ள இந்திய கிரிக்கெட் அணி பார்டர்-கவாஸ்கர் கோப்பை தொடரில் பங்கேற்றுள்ளது. இதில், முதல் டெஸ்ட் போட்டி நேற்று தொடங்கிய நிலையில் டாஸ் வென்று பேட்டிங் ஆடிய இந்தியா 150 ரன்கள் எடுத்தது. பின்னர் களமிறங்கிய ஆஸ்திரேலியா, இந்திய வீரர்களின் அபார பந்துவீச்சால் 104 ரன்களுக்கு ஆட்டமிழந்தது. தொடர்ந்து 46 ரன்கள் முன்னிலையுடன் 2-வது இன்னிங்ஸை தொடங்கிய இந்தியா 2-ம் நாளில் தேநீர் இடைவேளை வரை விக்கெட் இழப்பின்றி 84 ரன்கள் எடுத்துள்ளது. ஜெய்ஸ்வால் 42, கே.எல்.ராகுல் 34 ரன்களுடன் களத்தில் உள்ளனர்.