செங்கல்பட்டில் பள்ளி மாணவிகள் பங்கேற்ற Coffee with Collector

செங்கல்பட்டு மாவட்ட ஆட்சியர் மற்றும் நந்திவரம் அரசு மேல்நிலைப் பள்ளி மாணவிகள் பங்கேற்ற Coffee with Collector

செங்கல்பட்டு மாவட்ட ஆட்சியர் அலுவலகத்தில் மாவட்ட ஆட்சியர் அருண்ராஜ் , நந்திவரம் - கூடுவாஞ்சேரி தகைசால் அரசு மகளிர் பள்ளி மாணவிகள் 15 பேருடன் coffee with Collector என்னும் கலந்துரையாடல் நிகழ்ச்சி நடைப்பெற்றது.

இந்த நிகழ்ச்சியில் மாவட்ட ஆட்சியருடன் மாணவிகள் மிக இயல்பாக உரையாடினர், எவ்வாறு படிப்பது, உயர்கல்வி. நிறுவனங்களில் எவ்வாறு சேர்வது, நேர மேலாண்மை, பொழுது போக்கு, விளையாட்டில் ஆர்வம் செலுத்துதல், புத்தகங்கள் மற்றும் செய்தித் தாள்கள் வாகித்தல், இலக்குகளை 'தீர்மானித்தல், தன்னம்பிக்கையுடன் செயல்பட்டு இலக்குகளை அடைதல், உயர் பதவிகள் பெற்று சமூகத்திற்கு சேவை செய்தல் போன்ற தகவல்கள் சார்ந்து மாவட்ட ஆட்சியருடன் கலந்துரையாடி விளக்கங்கள் பெற்றனர். அதற்கு மாவட்ட ஆட்சியர் மாணவிகளுக்கு தன்னம்பிக்கை உறட்டும் வகையில் எளிமையாக பதிலளித்தார். இதன் மூலம் மாணவிகள் ஊக்கபடுத்தப்பட்டு , தங்களாலும் இயலும் என்ற எண்ணத்தை இந்நிகழ்வின் மூலம் ஏற்படுத்தினார்.

இந்நிகழ்வில் மாவட்ட முதன்மை கல்வி அலுவலர் கற்பகம், நேர்முக உதவியாளர் உதயகுமார் மற்றும் பள்ளி கல்வித்துறை அலுவலர்கள் பங்கேற்றனர்.