செங்கல்பட்டு மாவட்டத்தில் திமுகவினர் கொண்டாட்டம்

உதயநிதி ஸ்டாலின் துணை முதல்வராக பொறுப்பேற்க உள்ள நிலையில் திமுகவினர் பட்டாசு வெடித்து இனிப்புகள் வழங்கி கொண்டாட்டம்

கடந்த சில நாட்களாக உதயநிதி ஸ்டாலின் துணை முதல்வராக பொறுப்பேற்க உள்ளதாக தகவல் வைரலாக பரவி வந்தன. இந்நிலையில் நேற்றிரவு தமிழக அமைச்சரவையில் திடீர் மாற்றம் ஏற்படுத்தப்பட்டது. அப்போது தமிழக இளைஞர் நலன் மற்றும் விளையாட்டு துறை அமைச்சர் உதயநிதி ஸ்டாலின் துணை முதலமைச்சராக பொறுப்பேற்க உள்ளதாக அறிவிப்பு வெளியிடப்பட்ட நிலையில் திமுகவினர் பட்டாசு வெடித்து உற்சாகமான கொண்டாட்டத்தில் ஈடுபட்டு வருகின்றனர். இதன் ஒரு பகுதியாக செங்கல்பட்டு மாவட்டம் கூடுவாஞ்சேரி நகர திமுக சார்பில் கூடுவாஞ்சேரி பேருந்து நிலையம் எதிரே நகர மன்ற தலைவர் கார்த்திக் தலைமையில் ஏராளமான திமுகவினர் பட்டாசுகள் வெடித்தும் இனிப்புகள் வழங்கியும் கொண்டாட்டத்தில் ஈடுபட்டு வருகின்றனர். பேருந்துகளில் ஏறி பயணிகளுக்கு இனிப்புகளை வழங்கி வருகின்றனர்.