கள்ளக்குறிச்சி விவகாரம் - டிஜிபி சங்கர் ஜிவால் விளக்கம்

கள்ளக்குறிச்சி கருணாபுரம் பகுதியில் கள்ளச்சாராயம் குடித்த 4 பேர் இன்று (ஜூன் 19) உயிரிழந்ததாக கூறப்படுகிறது. ஆனால், அவர்கள் கள்ளச்சாராயம் குடித்து இறக்கவில்லை என மாவட்ட ஆட்சியர் ஷ்ரவன்குமார் விளக்கம் அளித்துள்ளார். இந்த நிலையில், “கள்ளக்குறிச்சியில் 4 பேர் மரணம் தொடர்பாக ஆட்சியர், காவல் கண்காணிப்பாளர் நேரில் சென்று விசாரணை நடத்தி வருகின்றனர். மூத்த காவல் அதிகாரிகள் சம்பவத்தின் உண்மைத் தன்மையை ஆராய்ந்து வருகின்றனர். அதன் பின்னர், உண்மை வெளியாகும்” என டிஜிபி சங்கர் ஜிவால் விளக்கம் அளித்துள்ளார்.