பலம் வாய்ந்த அணியுடன் மோதும் இந்திய அணி

2026 உலகக் கோப்பை கால்பந்து போட்டிக்கான தகுதி சுற்று பல்வேறு நாடுகளில் நடந்து வருகிறது. தகுதி சுற்றின் 2-வது ரவுண்டில் மொத்தம் 36 அணிகள் பங்கேற்றுள்ளன. அவை 9 பிரிவாக பிரிக்கப்பட்டுள்ளன. இதில் இந்திய அணி 'ஏ' பிரிவில் அங்கம் வகிக்கிறது. 13 புள்ளிகளுடன் முதலிடத்தில் உள்ள கத்தார் 3-வது சுற்றுக்கு ஏற்கனவே முன்னேறி விட்ட நிலையில் அந்த அணியுடன் இந்தியா இன்று (ஜூன் 11) மோதுகிறது. போட்டியானது கத்தாரின் ஜாசிம் பின் ஹமாத் ஸ்டேடியத்தில் நடக்கிறது. பலம் வாய்ந்த கத்தாரை அவர்களது இடத்தில் வீழ்த்துவது இந்தியாவுக்கு அவ்வளவு எளிதாக இருக்காது.