மருத்துவமனை கழிப்பறையில் நோயாளி தூக்கு போட்டு தற்கொலை
நாமக்கல் மாவட்டம் திருச்செங்கோடு, செங்கோடம் பாளையத்தை சேர்ந்தவர் வேல்முருகன் (44). இவருக்கு கணைய பிரச்சனை இருந்து வந்தது. இதற்காக ஈரோட்டில் உள்ள தனியார் மருத்துவமனையில் உள் நோயாளியாக தங்கி சிகிச்சை பெற்று வந்தார். இந்நிலையில் வேல்முருகனுக்கு கடுமையான வயிற்று வலி ஏற்பட்டது. இதனால் விரக்தி அடைந்த வேல்முருகன் மருத்துவமனையில் உள்ள கழிப்பறைக்கு சென்றுள்ளார். அங்கு தான் கட்டியிருந்த லுங்கியால் தூக்கிட்டு தற்கொலை செய்து கொண்டார். நீண்ட நேரமாக வேல்முருகன் வராததால் சந்தேகம் அடைந்த அவரது உறவினர்கள் கழிப்பறை சென்று பார்த்த போது வேல்முருகன் தூக்கிட்டு தற்கொலை செய்து கொண்டிருப்பதை கண்டு அதிர்ச்சி அடைந்தனர். இதுகுறித்து தகவல் அறிந்த ஈரோடு ஜி. ஹெச் போலீசார் அங்கு சென்று விசாரணை நடத்தி வேல்முருகன் உடலை கைப்பற்றி பிரேத பரிசோதனைக்காக ஈரோடு அரசு மருத்துவமனைக்கு கொண்டு சென்றனர். மேலும் இது குறித்து போலீசார் விசாரணை நடத்தி வருகின்றனர்.
