சபரிமலை பிரசாத கவுண்டரில் பணம் திருடிய ஊழியர் சஸ்பெண்ட்!

சபரிமலை கோவிலில், பிரசாத கவுண்டரில் ரூ.14,000 ரூபாய் பணம் திருடிய, வடக்கு பரவூர் திருமூழிக்குளம் தேவஸ்தானத்தைச் சேர்ந்த, 40 வயதான உதவி அர்ச்சகர் பி.சி.மனோஜ் சஸ்பெண்ட் செய்யப்பட்டுள்ளார். புனித பிரசாதமான 'ஆதிய சிஷ்டம் நெய்' வழங்கும் கவுண்டரில் இந்த சம்பவம் நடந்தது. மனோஜின் பணியில் இருந்து கணக்குகளை ஒப்படைக்கும்போது, ​​கவுன்டரில் ரூ.12,000 ஆயிரம் அதிகமாக காணப்பட்டது, கோவில் அதிகாரிகளுக்கு சந்தேகத்தை ஏற்படுத்தியது.

தேவசம் செயல் அலுவலர் வி.கிருஷ்ணகுமார் தலைமையில் நடந்த சோதனையில், விதிமுறைக்கு மாறாக, கவுன்டரில் பணம் இருப்பது தெரியவந்தது. மேலும் விசாரணையில், நெய் காணிக்கையாக பக்தர்களிடம் இருந்து சட்டவிரோதமாக பணம் வசூலிக்கப்பட்டது தெரியவந்தது. அவரிடம் கூடுதலாக ரூ.2,000 சிக்கியது. இதையடுத்து மனோஜ் சஸ்பெண்ட் செய்யப்பட்டார். செயல் அலுவலரின் புகாரின் பேரில், பம்பை போலீசாரும் மனோஜ் மீது வழக்குப்பதிவு செய்துள்ளனர்.