வேடசந்தூர்: இருசக்கர வாகனம் மீது கார் மோதி விபத்து - சிசிடிவி

திண்டுக்கல் மாவட்டம்
வேடசந்தூரில் மைக் செட் கடை வைத்து நடத்தி வருபவர் நடராஜ் வயது 50. இவர் அய்யர்மடம் பகுதியில் இருசக்கர வாகனத்தில் கடந்த 11ம் தேதி அன்று சென்று கொண்டிருந்த பொழுது நான்கு வழிச்சாலையில் சென்று கொண்டிருந்த கார் அவரது மோட்டார் சைக்கிளில் மோதியது. இதில் தூக்கி வீசப்பட்ட நடராஜ் தலை மற்றும் இடுப்பு பகுதியில் படுகாயம் அடைந்தார். அவரை மீட்ட உறவினர்கள் திண்டுக்கல் தனியார் மருத்துவமனையில் சிகிச்சைக்காக சேர்த்தனர். செவ்வாய்க்கிழமை காலை 8: 30 மணி முதல் விபத்து ஏற்பட்ட சிசிடிவி காட்சிகள் சமூக வலைதளங்களில் வைரலாகி பரபரப்பை ஏற்படுத்தி உள்ளது. மோதிவிட்டு நிற்காமல் சென்ற கார் குறித்து வேடசந்தூர் போலீசார் வழக்கு பதிந்து காரைத்தேடி வருகின்றனர்.