வேடசந்தூர்: வீட்டிற்குள் நுழைந்த கொம்பேறி மூக்கன் பாம்பு

திண்டுக்கல் மாவட்டம் வேடசந்தூர் யூசுப் நகர் 2வது தெருவை சேர்ந்தவர் முத்துலட்சுமி. இவர் தனது வீட்டின் முன்பாக துணிகளை துவைப்பதற்காக சென்று உள்ளார். அப்பொழுது காம்பவுண்ட் சுவருக்கு உள், நாலடி நீளமுள்ள கொம்பேறி மூக்கன் பாம்பு இருந்ததை கண்டு அதிர்ச்சி அடைந்து துவைக்க கொண்டு சென்ற துணிகளை வீசி எறிந்து விட்டு தலை தெரிக்க தப்பி வெளியே ஓடினார். அவரின் சத்தம் கேட்டு அருகில் உள்ளவர்கள் ஓடி வந்து பார்த்த பொழுது பாம்பு இங்கும் அங்கும் ஓடிக்கொண்டிருந்தது. உடனடியாக தீயணைப்புத் துறையினருக்கு தகவல் தெரிவிக்கப்பட்டது. அவர்கள் வருவதற்கு முன்பாகவே பாம்பு தாவி மாதுளை மரத்தின் கிளையின் மீது ஏறி காம்பவுண்ட் சுவரைத் தாண்டி தப்பி சென்றது.