சிறுபாக்கம் கார் மோதி ஒருவர் உயிரிழப்பு

கடலூர் மாவட்டம் சிறுபாக்கம் அடுத்த மாங்குளம் கிராமத்தை சேர்ந்த செல்வகுமார்(வயது 50). இவர் நேற்று முன்தினம் வேப்பூரில் இருந்து தனது நண்பர் ராதா என்பவருடன் இருசக்கர வாகனத்தில் வீட்டிற்கு சென்று கொண்டிருந்தார்.

விருத்தாசலம் - சேலம் சாலையில் சிறுபாக்கம் அடுத்த ரெட்டாக்குறிச்சி அருகே வந்த போது, எதிரே வந்த கார் செல்வகுமார் ஓட்டி வந்த இருசக்கர வாகனம் மீது மோதியது. இதில் அவர் சம்பவ இடத்திலேயே பரிதாபமாக இறந்தார். படுகாயம் அடைந்த அவரது நண்பர் ராதா சிகிச்சைக்காக வேப்பூர் அரசு மருத்துவமனையில் அனுமதிக்கப்பட்டார் இந்த விபத்து குறித்து சிறுபாக்கம் காவல் துறையினர் வழக்கு பதிவு செய்து விசாரணை நடத்தி வருகின்றனர்.