சைக்கிளில் இருந்து தவறி விழுந்து முதியவர் பலி

கோவை சீரநாயக்கன்பாளையத்தை சேர்ந்தவர் அங்கமுத்து(77). தோட்ட தொழிலாளி. இவர் நேற்று முன்தினம் வேலை முடிந்து சைக்கிளில் வீடு திரும்பி கொண்டிருந்தார். வடவள்ளி - மருதமலை ரோட்டில் சென்றபோது அவர் நிலைதடுமாறி சைக்கிளில் இருந்து கீழே விழுந்தார். இதில் அவருக்கு தலையில் பலத்த காயம் ஏற்பட்டது. அக்கம்பக்கத்தினர் அவரை மீட்டு கோவை அரசு மருத்துவமனைக்கு அனுப்பி வைத்தனர். ஆனால் அங்கு அவர் சிகிச்சை பலனளிக்காமல் பரிதாபமாக இறந்தார். இது குறித்து வடவள்ளி போலீசார் வழக்குப்பதிவு செய்து விசாரிக்கின்றனர்.