சென்னை: சிறுமிக்கு பாலியல் தொல்லை: போக்சோவில் ஆசிரியர் கைது

சாலிகிராமத்தில் உள்ள அடுக்குமாடி குடியிருப்பின் கீழ்தளத்தில், சமீபத்தில் பெய்த மழைநீர் தேங்கியது. இதனால், தரைதளத்தில் வசித்த தன் 11 வயது மகளுடன் பெற்றோர், மாடியில் காலியாக உள்ள அறைக்கு சென்றனர்.

அங்கு, அடுத்த அறையில் குடியிருந்த இசை ஆசிரியர் சுரேந்தர், 45, சிறுமியிடம் சில்மிஷத்தில் ஈடுபட்டுள்ளார். விருகம்பாக்கம் போலீசார், இசை ஆசிரியர் சுரேந்தரை, போக்சோவில் நேற்று முன்தினம் கைது செய்தனர்.

கோயம்பேடைச் சேர்ந்தவர், (42), வயது எலக்ட்ரீசியன். இவர், இரு வாரங்களுக்கு முன், தன் மகளிடம் பாலியல் சீண்டலில் ஈடுபட்டுள்ளார். இது குறித்து தாயிடம், மகள் தெரிவித்துள்ளார். கோயம்பேடு மகளிர் போலீசார் விசாரித்து, தந்தையை, போக்சோ சட்டத்தின் கீழ் நேற்று கைது செய்தனர்.