பைக்கில் கொண்டு சென்ற பட்டாசு வெடித்து ஒருவர் பலி

சிவகாசியில் தீபாவளி அன்று இருசக்கர வாகனத்தில் பட்டாசை கொண்டு சென்றபோது, எதிர்பாராத விதமாக பட்டாசுகள் வெடித்தன. இதில், காளிராஜன் (52) என்பவர் படுகாயமடைந்து மருத்துவமனையில் தீவிர சிகிச்சைப் பெற்று வந்தார். வேறு இடத்தில் வெடித்த பட்டாசின் தீப்பொறி, இருசக்கர வாகனத்தில் விழுந்ததால் இந்த கோர விபத்து நடந்துள்ளது. இந்நிலையில், படுகாயமடைந்த காளிராஜன் தீவிர சிகிச்சையில் இருந்த நிலையில் சிகிச்சைப் பலனின்றி உயிரிழந்தார்.