புது மாப்பிள்ளை உள்பட 2 பேர் பலி

விருதுநகர்: ராஜபாளையம் அம்மன் கோவில்பட்டியைச் சேர்ந்தவர் ஜேசிபி டிரைவர் ரவிக்குமார் (25). இவருக்கு ஒரு மாதம் முன்பு தான் திருமணம் நடந்தது. இவரது நண்பரான ரஞ்சித்குமார் (26) உடன் நேற்று ராஜபாளையம் வந்து விட்டு டூவீலரில் ஊருக்கு திரும்பி கொண்டு இருந்தனர். எதிரே வந்த டிப்பர் லாரி டூவீலர் மீது மோதியதில் ஒருவர் சம்பவ இடத்திலேயே உயிரிழந்தார். ரவிக்குமார் 30 மீ., தூரம் வரை டூவீலருடன் இழுத்துச் சென்று உடல் நசுங்கி பலியானார்.