காரைக்கால் மீனவர்கள் 10 பேர் கைது

எல்லை தாண்டி மீன் பிடித்ததாக காரைக்கால் மீனவர்கள் 10 பேர் கைது செய்யப்பட்டுள்ளனர்.  புதுச்சேரி மாநிலம் காரைக்காலைச் சேர்ந்த மீனவர்கள் 10 பேரை இலங்கை கடற்படை கைது செய்துள்ளது. இலங்கை நெடுந்தீவு அருகே மீன் பிடித்து கொண்டிருந்த போது மீனவர்கள் 10 பேரை கைது செய்த இலங்கை கடற்படை விசைப்படகையும் பறிமுதல் செய்து கொண்டு சென்றது. இந்த நிலையில், மீனவர்களை மத்திய, மாநில அரசுகள் மீட்டுக் கொண்டு வர வேண்டும் என மீனவ குடும்பத்தினர் கோரிக்கை விடுத்துள்ளனர்.