అదానీని జగన్‌ మూడుసార్లు ఎందుకు కలిశారు?: ఆనం

మాజీ సీఎం జగన్‌ అంతర్జాతీయ స్థాయిలో అవినీతికి పాల్పడ్డారని TDP నేత ఆనం వెంకట రమణారెడ్డి ఆరోపించారు. నెల్లూరులో నిర్వహించిన మీడియా సమావేశంలో ఆయన మాట్లాడారు. విద్యుత్‌ ఒప్పందాల్లో జగన్‌ భారీగా అవినీతి చేశారన్నారు. ఒప్పందాలపై మీడియాకు ఒక్క విషయం చెప్పలేదని.. ఇప్పుడు కథలు అల్లుతున్నారని దుయ్యబట్టారు. ఆ ఒప్పందాల్లో జగన్ రూ.1,750 కోట్లు దోచుకున్నారని మండిపడ్డారు. ఆయన 3 సార్లు అదానీని ఎందుకు కలిశారని ప్రశ్నించారు. 16 సీబీఐ కేసులున్నా జగన్‌ ఇప్పటివరకు కోర్టుకెళ్లలేదని.. వీటిపై న్యాయస్థానాలు త్వరగా విచారణ చేపట్టాలన్నారు.