ఆకివీడు: పాఠశాల కరస్పాండెంట్ పై కేసు నమోదు

విద్యార్థిని చెంపలపై కొట్టి, పీక నులిమిన ఘటనకు సంబంధించి ఆకివీడులోని ఓ ప్రైవేట్ పాఠశాల కరస్పాండెంట్ నక్కా సత్యనారాయణపై పోలీసులు ఆదివారం కేసు నమోదు చేశారు. బాధిత విద్యార్థిని ఇచ్చిన ఫిర్యాదు మేరకు కేసు నమోదు చేసినట్లు ఆకివీడు ఎస్సై నాగరాజు తెలిపారు. ఎంఈవో ఎ. రవీంద్ర పాఠశాలకు వచ్చి విచారణ చేపట్టారు. నివేదికను ఉన్నతాధికారులకు అందజేస్తామని ఎంఈవో తెలిపారు.