ఘనంగా సామూహిక లక్ష్మి గణపతి హోమం

చోడవరంలోని శ్రీ స్వయంభూ శ్రీ విగ్నేశ్వర స్వామి సన్నిధిలో భాద్రపద బహుళ చవితి సంకట హర చతుర్థి సందర్భంగా శనివారం సామూహిక శ్రీ లక్ష్మీ గణపతి హోమం పంచామృతాభిషేకం ఘనంగా నిర్వహించారు. తొలుత శ్రీ స్వామివారికి ప్రత్యేక పూజలు, పంచామృత అభిషేకాలు నిర్వహించారు. అనంతరం ప్రధాన అర్చకుడు కోడమంచిలి చలపతి ఆధ్వర్యంలో నిర్వహించిన హోమంలో అనేకమంది భక్తులు పాల్గొని స్వామివారి తీర్థ ప్రసాదాలు స్వీకరించారు.