ఎస్ కోట: రేపటి నుంచి గ్రంథాలయ వారోత్సవాలు ప్రారంభం

ఈనెల 14 నుండి 20 వ తేదీ వరకు గ్రంథాలయ వారోత్సవాలను నిర్వహించనున్నట్లు ఎస్ కోట గ్రంథాలయ అధికారి దామోదర శ్రీధర్ బుధవారం తెలిపారు. ఇందుకు సంబంధించి విద్యార్థులతో ఆయన గ్రంథాలయం వద్ద వారోత్సవాల వాల్ పోస్టర్ ను విడుదల చేశారు. వారోత్సవాలు నేపథ్యంలో విద్యార్థులకు వ్యాసరచన, పుస్తక పఠనం, చిత్రలేఖనం తదితర పోటీలను నిర్వహించనున్నట్లు తెలిపారు. ఈ అవకాశాన్ని విద్యార్థులు ఉపయోగించుకోవాలని కోరారు.