కుమార్తె పుట్టినరోజు నాడు తండ్రి ఉదారత

టెక్కలిలో ఆసరా లేని అభాగ్యుల కొరకు స్థాపించబడిన అభయం ఫుడ్ బ్యాంక్ నందు ఆదివారం వజ్రపు కొత్తూరు మండలం పొల్లాడ గ్రామానికి చెందిన మార్పు రాజేష్ తన కుమార్తె పుట్టినరోజు సందర్భంగా 30 మందికి దుప్పట్లు, అలాగే 50 మందికి అన్నదానం చేసినట్లు అభయం యువజన సేవా సంఘం అధ్యక్షుడు దేవాది శ్రీనివాసరావు తెలియజేశారు. ఈ సందర్భంగా ఆయన మాట్లాడుతూ ప్రతి ఒక్కరూ రాజేష్ గారి వలే ముందుకు వస్తే ఇలా చాలామంది అభాగ్యుల ఆకలి తీర్చవచ్చని అన్నారు.
ఈ కార్యక్రమంలో అభయం యువజన సేవా సంఘం సభ్యులు ఎన్ సింహాచలం, ఎస్ రాజేష్, ఎం లక్ష్మీనారాయణ పాల్గొన్నారు.