యర్రగొండపాలెం: ఎమ్మెల్యేకు నోటీసులు ఇచ్చిన పోలీసులు

ప్రకాశం జిల్లా యర్రగొండపాలెం ఎమ్మెల్యే చంద్రశేఖర్ కు సోమవారం పోలీసులు 41ఏ నోటీసులు ఇచ్చారు. ఎక్స్ లో మంత్రి నారా లోకేష్ పై ఎమ్మెల్యే చంద్రశేఖర్ విమర్శలు గుప్పించారు. దీంతో స్థానిక టిడిపి కార్యకర్త ఎమ్మెల్యేపై పోలీసులకు ఫిర్యాదు చేశారు. అంతేకాకుండా గతంలో అసెంబ్లీ ఎన్నికల సందర్భంగా నమోదైన కేసులతో పాటు మొత్తం 4 కేసులు నమోదైనట్లుగా పోలీసులు తెలిపారు. వేధింపులకు భయపడేది లేదని ఎమ్మెల్యే అన్నారు.