అనారోగ్యంతో మృతి చెందిన ఎస్ వి కె పి కళాశాల ప్రిన్సిపాల్ టీ.రంగారావుకి నివాళి.

వి కె పి కళాశాలలో అధ్యాపకునిగా, ఎన్సిసి ఆఫీసర్ గా, ప్రిన్సిపాల్ గా పనిచేసిన టి. రంగారావు అనారోగ్యంతో శుక్రవారం రాత్రి మరణించారు. ఈ సందర్భంగా ఎస్ వి కే పి కళాశాల విద్యార్థినీ విద్యార్థులు, ఎన్ సి సి విద్యార్థులు ఆయనకు నివాళులు అర్పించారు. ఈ సందర్భంగా ఎస్ వి కె పి కళాశాల వంశపారంపర్య అధ్యక్షులు యక్కలీ శ్రీనివాసరావు మాట్లాడుతూ 1993 నుంచి గణిత శాస్త్ర అధ్యాపకునిగా, ఎన్సిసి ఆఫీసరుగా, ప్రిన్సిపల్ గా కళాశాలకు ఆయన చేసిన సేవలు మరువలేనివన్నారు. ఈ కార్యక్రమంలో కళాశాల పాలకమండలి సభ్యులు సకలా నరసింహులు, యక్కలి కాశీ విశ్వనాథ్, ఊటుకూరి మాధవరావు, ఫిజికల్ డైరెక్టర్ మిరియాల నాసరయ్య, భౌతిక శాస్త్ర అధ్యాపకులు ఏనుగుల రవికుమార్, చరిత్ర అధ్యాపకులు పొన్నబోయిన ఆవులయ్య , విద్యార్థినీ విద్యార్థులు పాల్గొన్నారు.